BWYTA’R CYFAN, DYNA YW CYFLAWNI

Article Type

Love Food

Hate Waste

Article Subcategory

YMUNWCH Â’R CHWYLDRO CYFLAWNI

Mae’n hawdd cyflawni. Y nod yw bwyta’r cynhwysyn neu’r bwyd cyflawn, heb wastraffu’r darnau bwytadwy o gwbl.

Cael y gwerth gorau o’r bwyd a brynwch. Manteisio i’r eithaf ar y maeth yn eich bwyd. Arbed trafferth trwy osgoi plicio, a datgloi potensial blasus dros ben.

Mae cyflawni hefyd yn lleihau gwastraff bwyd, felly mae’r blaned yn elwa cymaint â chi.

Felly, ymunwch â’r chwyldro, gallwch fwyta’n iach ac ymfalchïo mewn cyflawni eich bwyd.

Wyddoch chi?

Mae un traean o’r bwyd a gynhyrchir yn fyd‐eang yn cael ei wastraffu. Mae hyn yn broblem enfawr sy’n effeithio arnom yn ariannol, yn gymdeithasol ac yn amgylcheddol. Yn y Deyrnas Unedig, caiff 10 miliwn o dunelli o fwyd ei wastraffu bob blwyddyn, ac mae tua 70% o hwnnw’n dod o’n cartrefi. Mae hyn yn golygu bod cyfle enfawr
i ni fel unigolion wneud gwahaniaeth cadarnhaol a lleihau’r bwyd a wastraffwn yn ein cartrefi.

Mae’n syndod credu mai ein dewisiadau o ddydd i ddydd sy’n gyfrifol am lawer iawn o wastraff bwyd, gan fod nifer ohonom yn dewis anwybyddu crwyn, dail, coesynnau a chrystiau ein hoff fwydydd.

Chwaraewch eich rhan. Bwyta’r cyfan, dyna yw Cyflawni.

EICH CANLLAW CYFLAWNI

Lletemau tatws coch gyda sbeis cajwn

Ychwanegiad rhagorol i’r rysáit Lletemau Tatws Coch

Afalau Pob Wedi'u Stwffio

Mae’r rysáit hon am afalau wedi’u stwffio yn syml i’w rhoi at ei gilydd, ac mae’n gwneud byrbryd ysgafn blasus gyda salad cymysg.

Bresych coch gyda sglein pomgranad

Dyma saig ddelfrydol i’w gweini ar y naill ochr i fywiogi eich tatws rhost!

Arancini

Crimp ar y tu allan gyda rhinflas o rosmari, a meddal ar y tu mewn yn llawn blas madarch a chaws.

Gwedd Brydeinig ar Patatas Bravas

Gwnewch y gorau o’ch tatws a chreu’r saig Patatas Bravas ryfeddol hon.

Pwdin bara menyn sawrus

Mae pennau a chrystiau bara yn berffaith ar gyfer gwneud y pwdin bara menyn cynhesol hwn.

Crymbl afal taffi

Gadewch y croen ar yr afalau ar gyfer y rysáit flasus hon.

Tatws Hasselback

Ffordd syml o greu saig flasus gyda thatws yn eu crwyn a bacwn dros ben.

PAM DDYLWN I GYFLAWNI GYDA BWYD?

Rydyn ni oll wedi taflu’r coesynnau i ffwrdd, wedi anghofio’r plicion, wedi cefnu ar y crystiau. Felly pam mae’n bwysig i ni gyflawni ein bwyd yn hytrach na thaflu rhai darnau?

Pan na chaiff y bwyd a gafodd ei dyfu a’i gynhyrchu ar ein cyfer ei fwyta, mae’r holl adnoddau a roddwyd i’r broses o ddod â’r bwyd hwnnw at ein platiau – tir, dŵr ac ynni, yn cael eu gwastraffu hefyd.

Mae hyn wedi effeithio’n enbyd ar ein hamgylchedd, gan y gallai’r adnoddau hynny fod wedi’u defnyddio i wneud rhywbeth arall, neu eu harbed yn gyfan gwbl, i leihau ein heffaith ar y blaned.

Chwaraewch eich rhan. Bwyta’r cyfan, dyna yw Cyflawni.

Cofiwch: Y peth gorau y gallwn oll ei wneud yw sicrhau bod y bwyd sy’n cyrraedd ein platiau yn cael ei fwynhau. Gall unrhyw beth na ellir ei gyflawni (go brin y bydd plisg wyau, bagiau te a chrwyn bananas fyth ar eich bwydlen...) gael ei gompostio, neu ei ailgylchu os oes gennych wasanaeth casglu ac ailgylchu gwastraff bwyd yn eich ardal.

Iaith Cymraeg

BWYTA’R CYFAN, DYNA YW CYFLAWNI

BWYTA’R CYFAN, DYNA YW CYFLAWNI

Bwyta’r cyfan, dyna yw cyflawni

YMUNWCH Â’R CHWYLDRO CYFLAWNI

Wyddoch chi?

EICH CANLLAW CYFLAWNI

Haciau a syniadau I GYFLAWNI

Hanfodion cyflawni

Arwyr cyflawni